എസ്.കെ.എസ്.എസ്.എഫ് നൈറ്റ് മാര്‍ച്ച് വന്‍ വിജയമാക്കുക: ട്രെന്റ്

മലബാറിനോടുള്ള വിദ്യാഭ്യാസ അവഗണനയില്‍ പ്രതിഷേധിച്ച് എസ് കെ എസ് എസ് എഫ് സംസ്ഥാന കമ്മറ്റി നാളെ കോഴിക്കോട് വെച്ച് നടത്തുന്ന നൈറ്റ് മാര്‍ച്ച് വന്‍ വിജയമാക്കാന്‍ ട്രെന്റിന്റെ കീഴിലുള്ള മുഴുവന്‍ വിദ്യാഭ്യാസ പ്രവര്‍ത്തകരും പരിശീലകരും തയ്യാറാകണമെന്ന് ട്രന്റ് സ്റ്റേറ്റ് കമ്മറ്റി അഭ്യര്‍ത്ഥിച്ചു.

മലബാര്‍ മേഖലയില്‍ കൂടുതല്‍ പ്ലസ്ടു സ്‌കൂളുകള്‍ അനുവദിക്കുന്നതിന്ന് വേണ്ടി നേരത്തെ വി കാര്‍ത്തികേയന്‍ നായര്‍ കമ്മീഷനു മുമ്പില്‍ ട്രന്റ് സംസ്ഥാന കമ്മിറ്റി ഉന്നയിച്ച ആവശ്യങ്ങള്‍ സംസ്ഥാന സര്‍ക്കാര്‍ മുഖവിലക്കെടുക്കണമെന്നും യോഗം ആവശ്വപ്പെട്ടു. എസ് കെ എസ് എസ് എഫ് ഉപാദ്ധ്യക്ഷന്‍ സത്താര്‍ പന്തല്ലൂര്‍ ഉല്‍ഘാടനം ചെയ്തു.

ചെയര്‍മാന്‍ ഷാഫി ആട്ടീരി അധ്യക്ഷത വഹിച്ചു. സമദ് സലാത്തൂര്‍, സലാം മലയമ്മ, കെ.മുഹമ്മദ് റാഫി, കാമില്‍ ചോലമാട്, അഷ്‌റഫ് മലയില്‍, ഷാഫി ഒറ്റപ്പാലം, ഷാഹുല്‍ പഴുന്നാന, ജിയാദ് എറണാംകുളം, നിഷാദ് അടിമാലി, അംജദ് ഖാന്‍ തിരുവനന്തപുരം പ്രസംഗിച്ചു. കണ്‍വീനര്‍ ഡോ.എം അബ്ദുള്‍ ഖയ്യൂം സ്വാഗതവും അംജദ് ആലപ്പുഴ നന്ദിയും രേഖപ്പെടുത്തി.