കണ്ണൂര്‍: മൊയ്തീന്‍ പള്ളിയില്‍ ചാണകം വിതറിയ സംഭവത്തില്‍ പ്രതി പിടിയില്‍. ഇരിണാവ് സ്വദേശി ദസ്തകീറാണ് അറസ്റ്റിലായത്. ഇയാള്‍ മാനസികരോഗിയാണെന്ന് സംശയിക്കുന്നതായി സിറ്റി പൊലിസ് കമ്മീഷണര്‍ ആര്‍. ഇളങ്കോ പറഞ്ഞു. സംഭവം ആസൂത്രിതമല്ലെന്നും പൊലിസ് വ്യക്തമാക്കി.

ഇന്നലെ വൈകീട്ടാണ് കണ്ണൂര്‍ മാര്‍ക്കറ്റിനുള്ളിലെ മൊയ്തീന്‍ പള്ളിക്കുള്ളില്‍ ചാണകം വിതറിയ നിലയില്‍ കണ്ടെത്തിയത്. മൂന്നംഗ സംഘമാണ് ചാണകം വിതറിയതെന്ന് പള്ളിയിലെ ജീവനക്കാരന്‍ ആരോപിച്ചിരുന്നു.

സംഭവത്തിനു പിന്നാലെ കണ്ണൂര്‍ ഡി.ഐ.ജി രാഹുല്‍ ആര്‍. നായര്‍, സിറ്റി പൊലീസ് കമ്മീഷണര്‍ ആര്‍. ഇളങ്കോ തുടങ്ങിയ ഉന്നത പൊലിസ് ഉദ്യോഗസ്ഥര്‍ സ്ഥലത്തെത്തി പരിശോധന നടത്തി.