പൂച്ചാക്കല്‍:തെരുവ് നായ്ക്കള്‍ക്കെതിരെ അധികൃതര്‍ നടപടി സ്വീകരിക്കണമെന്നാവശ്യപ്പെട്ട് വിദ്യാര്‍ഥികള്‍ മാര്‍ച്ച് നടത്തി.തൈക്കാട്ടുശ്ശേരി മണിയാതൃക്കല്‍ എം.ഡി.യു.പി.സ്‌കൂളിലെ വിദ്യാര്‍ത്ഥികളാണ് ഇന്നലെ തൈക്കാട്ടുസീരി ഗ്രാമപഞ്ചായത്ത് ഓഫീസിലേക്ക് മാര്‍ച്ച് നടത്തിയത്.
തെരുവ് നായ്ക്കളുടെ ഭീഷണി രൂക്ഷമായതിനെ തുടര്‍ന്ന് അടിയന്തിരമായി പരിഹാരം കാണണമെന്ന് ആവശ്യപ്പെട്ട് വിദ്യാര്‍ഥികള്‍ പഞ്ചായത്ത് സെക്രട്ടറിക്ക് നിവേദനവും നല്‍കി.പ്രധാന അധ്യാപിക പി.കെ.പ്രഭ,പി.ടി.എ.പ്രസിഡന്റ് പി.വിനോദ് തുടങ്ങിയവര്‍ നേതൃത്വം നല്‍കി.