Content Highlights:canada job opportunities get high paying jobs without a degree

മലയാളികളുടെ ഗള്‍ഫ് കുടിയേറ്റത്തിന്റെ അലയൊലികള്‍ ഏതാണ്ട് അവസാനിച്ച മട്ടാണ്. ഇപ്പോള്‍ യൂറോപ്പ്, വടക്കന്‍ അമേരിക്കന്‍ രാജ്യങ്ങള്‍ എന്നിവിടങ്ങളിലേക്കാണ് കേരളത്തില്‍ നിന്നുളള യുവതലമുറ കുടിയേറാനായി ശ്രമിക്കുന്നത്. പലപ്പോഴും ഉയര്‍ന്ന ബിരുദങ്ങളും പേരുകേട്ട വിദ്യാഭ്യാസ സ്ഥാപനങ്ങളിലെ സര്‍ട്ടിഫിക്കേറ്റുകളും ഉണ്ടെങ്കില്‍ മാത്രമെ വിദേശ രാജ്യങ്ങളില്‍ മികച്ച തൊഴില്‍ കണ്ടെത്താനാകൂ എന്ന മിത്ത് പലരുടേയും മനസിലുണ്ട്. എന്നാല്‍ ബിരുദം പോലും ആവശ്യമില്ലാതെ മികച്ച ശമ്പളം ലഭിക്കുന്ന തൊഴിലുകളിലേക്കുളള ഒഴിവുകള്‍ കാനഡയില്‍ റിപ്പോര്‍ട്ട് ചെയ്തിട്ടുണ്ട്. കൂടാതെ ഇവയില്‍ പല ജോലികള്‍ക്കും പ്രവര്‍ത്തി പരിചയവും ആവശ്യമില്ല.

വെയര്‍ഹൗസ് മേഖലയാണ് ഇത്തരത്തില്‍ ഉയര്‍ന്ന ബിരുദങ്ങള്‍ ഇല്ലാതെ ഉയര്‍ന്ന ശമ്പളം ലഭിക്കുന്ന തരത്തില്‍ ശമ്പളം വാഗ്ധാനം ചെയ്യുന്ന ഒരിടം. മണിക്കൂറിന് 1200-1400 രൂപവരെയാണ് വെയര്‍ഹൗസ് മേഖലയില്‍ തൊഴില്‍ ചെയ്യുന്നവര്‍ക്ക് ലഭിക്കുന്ന ശരാശരി ശമ്പളം. പാര്‍ട്ടൈം അല്ലാതെ മുഴുവന്‍ സമയവും ഈ മേഖലയില്‍ തൊഴില്‍ ചെയ്യുന്ന ഒരു വ്യക്തിക്ക് വര്‍ഷം ശരാശരി 35,200 കനേഡിയന്‍ ഡോളറെങ്കിലും സമ്പാദിക്കാന്‍ കഴിയുന്നതാണ്.അക്കൗണ്ട്‌സ് ക്ലറിക്കല്‍ മേഖലയിലും ബിരുദത്തിന്റെ ആവശ്യമില്ലാത്ത മികച്ച തൊഴിലുകള്‍ ലഭ്യമാണ്. അക്കൗണ്ട്‌സ് മേഖലയില്‍ ഡിപ്ലോമ കോഴ്‌സ് പൂര്‍ത്തിയാക്കിയവര്‍ക്ക് ഈ ജോലികള്‍ക്കായി ശ്രമിക്കാവുന്നതാണ്. മണിക്കൂറിന് ശരാശരി 22 ഡോളറും വര്‍ഷം 44,200 ഡോളറിന് മുകളിലുമാണ് ഈ തൊഴില്‍ ചെയ്യുന്നവര്‍ക്ക് ലഭിക്കുന്ന ശരാശരി ശമ്പളം.

ഖനിത്തൊഴില്‍, ലാന്‍ഡ്‌സ്‌കേപ്പ് ടെക്‌നീഷ്യന്‍ എന്നീ ജോലികളും ബിരുദത്തിന്റെ ആവശ്യമില്ലാതെ കാനഡയില്‍ ലഭിക്കുന്നത് മണിക്കൂറില്‍ ശരാശരി 21 ഡോളറാണ് ഈ തൊഴിലുകള്‍ക്ക് ലഭിക്കുന്ന ശരാശരി ശമ്പളം.
ബിരുദം ആവശ്യമില്ലാത്ത മറ്റ് പ്രധാന മേഖലകളാണ് തിയേറ്റര്‍ പ്രാക്ടീഷണര്‍, ട്രാന്‍സ്ലേറ്റര്‍, ഡെന്റല്‍ അസിസ്റ്റന്റ്, അസിസ്റ്റന്റ് ഷെഫ്, വെല്‍ഡിങ്, മെയിന്റനന്‍സ് മാനേജര്‍, സെയില്‍സ് എക്‌സിക്യൂട്ടീവ്, ട്രക്ക് ഡ്രൈവര്‍മാര്‍, പ്ലംബര്‍, ഇലക്ട്രീഷ്യന്‍, വാഹന മെക്കാനിക്ക്, നിര്‍മ്മാണത്തൊഴിലാളികള്‍, മൊബൈല്‍ റിപ്പയറിങ് എന്നിവ.അതേസമയം, ധനകാര്യം, ഐടി, ഹെല്‍ത്ത് കെയര്‍, എഞ്ചിനീയറിംഗ്, മറ്റ് മേഖലകള്‍ എന്നിവയില്‍ ബിരുദം നേടിയാല്‍ തുടക്കത്തില്‍ പ്രതിവര്‍ഷം ശരാശരി 33,000 മുതല്‍ 72,000 ഡോളര്‍ വരെ ശമ്പളം ലഭിക്കുമെന്നും റിപ്പോര്‍ട്ടുകള്‍ സൂചിപ്പിക്കുന്നുണ്ട്. ഒന്നോ രണ്ടോ വര്‍ഷങ്ങളുടെ പ്രവര്‍ത്തി പരിചയത്തിന് ശേഷം ഈ മേഖലകളില്‍ വര്‍ഷം 300000 ഡോളര്‍ വരെ സമ്പാദിക്കാനും സാധിക്കും.

ബിരുദം ഇല്ലാത്തവര്‍ക്ക് കാനഡയില്‍ ഏറ്റവും മികച്ച സാലറി ലഭിക്കുന്ന തൊഴിലാണ് ന്യൂക്ലിയര്‍ പവര്‍ റിയാക്ടര്‍ ഓപ്പറേറ്ററുടേത്. ശരാശരി 88,000 ഡോളര്‍ വരെ വര്‍ഷം ലഭിക്കുന്ന ഈ തൊഴില്‍ വിദേശികള്‍ക്ക് എളുപ്പത്തില്‍ ലഭിക്കുകയില്ല.
കാനഡയില്‍ താമസിക്കുന്ന വിദേശ രാജ്യങ്ങളില്‍ നിന്നുളളവര്‍ക്കാണ് ഇത്തരം തൊഴില്‍ എളുപ്പത്തില്‍ ലഭിക്കുന്നത്. എന്നാല്‍ ഇന്ത്യയടക്കമുളള രാജ്യങ്ങളില്‍ നിന്നുളളവര്‍ക്കും ഈ തൊഴിലുകള്‍ ചെയ്യുന്നതിനായി അപേക്ഷിക്കാവുന്നതാണ്.

Content Highlights:canada job opportunities get high paying jobs without a degree