ചേലക്കാട് ഉസ്താദ് പ്രതിസന്ധി ഘട്ടങ്ങളില്‍ കരുത്ത് പകര്‍ന്ന നേതാവ്: എ.വി അബ്ദുറഹ്മാന്‍ മുസ്ല്യാര്‍

ചേലക്കാട് : സമുദായവും സംഘടനയും പ്രതിസന്ധി നേരിടുന്ന ഘട്ടങ്ങളില്‍ സമസ്തക്ക് കരുത്ത് പകര്‍ന്ന പണ്ഡിത പ്രതിഭയായിരുന്നു ചേലക്കാട് മുഹമ്മദ് മുസ്ല്യാരെന്ന് സമസ്ത കേന്ദ്ര മുശാവറ അംഗം എ.വി അബ്ദുറഹ്മാന്‍ മുസ്ല്യാര്‍ പറഞ്ഞു. മുസ്ലിം സമുദായത്തിന്റെ അഭിമാന സംഘ ശക്തിയായ സമസ്തയെ പ്രതിരോധത്തിലാക്കുന്നവരുമായി എക്കാലവും പൂര്‍ണ്ണ വിയോജിപ്പ് കാണിച്ച മഹാമനീഷിയായിരുന്നു അദ്ദേഹം. ഉസ്താദിന്റെ ഒന്നാം ആണ്ട് ദിനത്തില്‍ വീട്ടില്‍ നടന്ന ദുആ ചടങ്ങില്‍ സംബന്ധിച്ച് സംസാരിക്കുകയായിരുന്നു അദ്ദേഹം. മതപരിഷ്‌കരണവാദികളുടെ കുതന്ത്രങ്ങളില്‍ പെട്ട് സമുദായത്തില്‍ ഭിന്നിപ്പുണ്ടാക്കുന്നതും അത്തരക്കാരുമായി സഹകരിക്കുന്നതും ഉസ്താദിനെസ്‌നേഹിക്കുന്നവരുടെ മാതൃകയല്ലെന്നും അദ്ദേഹം കൂട്ടിച്ചേര്‍ത്തു.