സമകാലിക ഫുട്‌ബോളിലെ ഇതിഹാസ താരങ്ങള്‍ എന്നറിയപ്പെടുന്ന പ്ലെയേഴ്‌സാണ് മെസിയും റൊണാള്‍ഡോയും. സ്പാനിഷ് ടോപ്പ് ടയര്‍ ഫുട്‌ബോള്‍ ലീഗായ ലാ ലിഗയിലെ എല്‍-ക്ലാസിക്കോ മത്സരങ്ങള്‍ ഇരു താരങ്ങളും തമ്മിലുളള പോരാട്ടം കൊണ്ട് കൂടുതല്‍ കരുത്താര്‍ജ്ജിച്ചിരുന്നു.പിന്നീട് ഇരുതാരങ്ങളും സ്‌പെയിന്‍ വിട്ടതോടു കൂടി മെസി-റൊണാള്‍ഡോ പോരാട്ടത്തിന് അവസാനമായിരുന്നു.പിന്നീട് ജനുവരിയില്‍ റിയാദ് ഓള്‍ സ്റ്റാര്‍സും , പി.എസ്.ജിയും തമ്മില്‍ നടന്ന സന്നാഹ മത്സരത്തിലാണ് അവസാനമായി മെസിയും റൊണോയും തമ്മില്‍ ഏറ്റിമുട്ടിയത്.എന്നാലിപ്പോള്‍ വീണ്ടുമൊരു മെസി-റൊണാള്‍ഡോ പോരാട്ടത്തിന് സഊദിയുടെ മണ്ണില്‍ അരങ്ങൊരുങ്ങാന്‍ സാധ്യത തെളിയുന്നു എന്നുളള റിപ്പോര്‍ട്ടുകള്‍ പുറത്ത് വരുന്നുണ്ട്.

യുണൈറ്റഡ് സ്റ്റേറ്റ്‌സ് ദേശീയ താരമായിരുന്ന ട്വെല്‍മാനാണ് റൊണാള്‍ഡോ-മെസി സന്നാഹ മത്സരത്തിന്റെ സാധ്യതകളെ കുറിച്ച് വെളിപ്പെടുത്തിയിരിക്കുന്നത്.''ഞാന്‍ ഇത് പരിശോധിക്കും. വലിയ ആവേശത്തിലാണ് ഈ മത്സരത്തെ നോക്കി കാണുന്നത്. മെസിയുടെ വരവിന് ശേഷം ഇന്റര്‍ മിയാമി ഇപ്പോള്‍ നല്ല ടീമാണ്. മെസിയും റൊണാള്‍ഡോയും എത്തിയതില്‍ പിന്നെ ഈ ടീമുകള്‍ ഇപ്പോള്‍ ലോകോത്തര നിലവാരം പുലര്‍ത്തുന്നുണ്ട്, ബ്രാന്‍ഡ് മൂല്യം ശരിക്കും വര്‍ദ്ധിച്ചിട്ടുണ്ട്. എന്തായാലും അങ്ങനെ ഒരു മത്സരം ഉണ്ടാകും,' ട്വെല്‍മാന്‍ പറഞ്ഞു.അതേസമയം മത്സരത്തെ സംബന്ധിച്ച സ്ഥിരീകരിക്കപ്പെട്ട റിപ്പോര്‍ട്ടുകളൊന്നും ഇതുവരെ പുറത്ത് വന്നിട്ടില്ല.

Content Highlights:messi-ronaldo match maybe happend