ശ്രീ നാരായണ ഗുരു ഓപ്പണ്‍ യൂണിവേഴ്‌സിറ്റിയില്‍ പ്രവേശനം തുടങ്ങി

കണ്ണൂര്‍: ശ്രീ നാരായണ ഗുരു ഓപ്പണ്‍ യൂണിവേഴ്‌സിറ്റി 2023-24 വര്‍ഷം ആരംഭിക്കുന്ന വിവിധ ബിരുദ, ബിരുദാനന്തര ബിരുദ കോഴ്‌സുകളിലേക്കുള്ള പ്രവേശനം ആരംഭിച്ചു. യു.ജി.സി അംഗീകാരം ലഭിച്ച 22 കോഴ്‌സുകള്‍ക്കാണ് ഈ വര്‍ഷം പ്രവേശനം നല്‍കുന്നത്. ഓണ്‍ലൈനായി 31 വരെ അപേക്ഷകള്‍ സമര്‍പ്പിക്കാം.

സംസ്ഥാനത്തെ വിവിധ അഫിലിയേറ്റഡ് കോളജുകളിലായി 39 പഠന കേന്ദ്രങ്ങള്‍ ശ്രീ നാരായണ ഗുരു ഓപ്പണ്‍ യൂണിവേഴ്‌സിറ്റിക്ക് കീഴിലുണ്ട്. കേരളത്തിലെ കോളജുകളിലെ ബിരുദ വിദ്യാര്‍ഥികള്‍ക്ക് ശ്രീ നാരായണ ഗുരു ഓപ്പണ്‍ യൂണിവേഴ്‌സിറ്റിയില്‍ മറ്റൊരു ബിരുദത്തിന് കൂടി പ്രവേശനം നേടാവുന്നതാണെന്ന് സിന്‍ഡിക്കേറ്റ് അംഗം ഡോ. കെ ശ്രീ വത്സന്‍, ഡോ. ടി.എം വിജയന്‍, ഡോ. സി.വി അബ്ദുള്‍ ഗഫൂര്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.