ഫറോക്ക്: ലോകത്തെമ്പാടുമുളള ഫറോക്ക് നിവാസികളുടെ സംഗമം നടന്നു. ഗ്ലോബല്‍ ഫറോക്കിയന്‍ സംഗമം എന്ന പേരില്‍ ഇന്നലെ നടന്ന കൂട്ടായ്മയില്‍ ഗള്‍ഫ് നാടുകള്‍ക്ക് പുറമെ ആസ്‌ത്രേലിയ, ലണ്ടന്‍, മലേഷ്യ, സിംഗപ്പൂര്‍, ബ്രൂണെ, തായ്‌ലന്റ് തുടങ്ങിയ ലോകത്തിലെ വിവധ രാജ്യങ്ങളിലുള്ള പ്രവാസികള്‍ കുടുംബസമേതം പങ്കെടുത്തു. ഫറോക്ക് പ്രവാസി അസോസിയേഷന്‍ ഖത്തര്‍ ചാപ്റ്ററാണ് സംഗമം സംഘടിപ്പിച്ചത്.
ഇതോടനുബന്ധിച്ചു നടന്ന സാംസ്‌കാരിക സമ്മേളനം ഫറോക്ക് നഗരസഭ ചെയര്‍പേഴ്‌സണ്‍ ടി. സുഹറാബി ഉദ്ഘാടനം ചെയ്തു. എഴുത്തുകാരന്‍ പി. സുരേന്ദ്രന്‍ മുഖ്യപ്രഭാഷണം നടത്തി. അബ്ദുല്‍ അസീസ് കറുത്തേടത്ത് അധ്യക്ഷം വഹിച്ചു. ഉമ്മര്‍പാണ്ടികശാല, കമാല്‍ വരദൂര്‍, അഷ്‌റഫ് വേങ്ങാട്ട്, വി.മുഹമ്മദ് ഹസ്സന്‍, ഇ.പി.ഇമ്പിച്ചിക്കോയ, എം. ഗിരീഷ്, നാരങ്ങയില്‍ ശശി, പിലക്കാട്ട് ഷണ്‍മുഖന്‍, ഷാജി കാരട്ടിയാട്ടില്‍, മാമുക്കോയ, നജ്മുദ്ദീന്‍, അബ്ദുല്‍ ലത്തീഫ് ഇ.കെ, പി.കെ ജാഫര്‍, അബ്ദുസമദ് പെരുമുഖം, എം. മൊയ്തീന്‍കോയ, എന്നിവര്‍ സംസാരിച്ചു. പ്രതിഭകള്‍ക്കുളള ഉഹാരങ്ങള്‍ വി.കെ.സി.മമ്മദ്‌കോയ എം.എല്‍.എ വിതരണം ചെയ്തു.