ദുബൈ: ദുബൈയിലേക്ക് ദുര്‍മന്ത്രവാദത്തിനുപയോഗിക്കുന്ന വസ്തുക്കള്‍ കടത്താന്‍ ശ്രമിച്ച ആഫ്രിക്കന്‍ രാജ്യത്തു നിന്നുള്ള യാത്രക്കാരനെ കസ്റ്റംസ് ഉദ്യോഗസ്ഥര്‍ പിടികൂടി.ദുബൈ അന്താരാഷ്ട്ര വിമാനത്താവളത്തിലാണ് സംഭവം. വിമാനമിറങ്ങിയ ശേഷം അരയില്‍ കെട്ടി വസ്ത്രത്തിനടിയില്‍ ഒളിപ്പിച്ച നിലയിലായിരുന്നു വസ്തുക്കള്‍.താലിസ്മാന്‍, അമ്യൂലറ്റുകള്‍, മോതിരങ്ങള്‍ ബെല്‍റ്റുകള്‍, മൃഗങ്ങളുടെ തൊലി കൊണ്ട് നിര്‍മ്മിച്ച വളകള്‍ എന്നി
ങ്ങനെയുള്ള അനധികൃത വസ്തുക്കളാണ് അധികൃതര്‍ കണ്ടെത്തിയത്.
കസ്റ്റംസിന് ഇയാളുടെ പെരുമാറ്റത്തില്‍ സംശയം തോന്നിയതോടെ പരിശോധിക്കുകയായിരുന്നു. ഇയാളുടെ പക്കല്‍ നിന്നും മന്ത്രവാദവുമായി
ബന്ധപ്പെട്ട വസ്തുക്കള്‍ തിരച്ചിലിന് ശേഷം അവര്‍ കണ്ടെത്തി. യാത്രക്കാരനെ ദുബൈ പൊലിസിന് കൈമാറി.