ന്യൂഡല്‍ഹി: ലോക അ്‌ലറ്റിക് ചാംപ്യന്‍ഷിപ്പിലെ വെള്ളിമെഡല്‍ ജേതാവ് നീരജ് ചോപ്ര 2022 കോമണ്‍വെല്‍ത്ത് ഗെയിംസില്‍ നിന്ന് പിന്മാറി. പരുക്ക് മൂലമാണ് പിന്‍മാറ്റം. യൂജിന്‍ ഒറിഗോണില്‍ അടുത്തിടെ സമാപിച്ച ലോക അത്‌ലറ്റിക് ചാമ്പ്യന്‍ഷിപ്പിലാണ് നീരജ് ചോപ്ര വെള്ളി മെഡല്‍ നേടിയത്.

88.13 മീറ്റര്‍ എറിഞ്ഞാണ് അത്‌ലറ്റിക് ചാംപ്യന്‍ഷിപ്പിലെ ഇന്ത്യയുടെ രണ്ടാമത്തെ മെഡല്‍ എന്ന നേട്ടം കൈവരിച്ചത്. വിദഗ്ദ്ധ പരിശോധനയ്ക്ക് വിധേയമായ നീരജ് ചോപ്രയ്ക്ക് ഡോക്ടര്‍മാര്‍ ഒരു മാസത്തെ വിശ്രമം നിര്‍ദേശിച്ചിട്ടുണ്ട്. ഈ സാഹചര്യത്തിലാണ് അദ്ദേഹം കോമണ്‍വെല്‍ത്ത് ഗെയിംസില്‍നിന്ന് പിന്‍മാറിയത്.