വണ്ടിത്താവളം: ചിറ്റൂര്‍ കരുണ മെഡിക്കല്‍ കോളജില്‍  മെഡിക്കോസ് സംഘടനയുടെ നേതൃത്തത്തില്‍ വിദ്യാര്‍ഥികളുടെ മനുഷ്യച്ചങ്ങല തീര്‍ത്തു. വിദ്യാര്‍ഥികളുടെ  പ്രശ്‌നങ്ങള്‍ ചര്‍ച്ചകളിലൂടെ പരിഹരിച്ചില്ലെങ്കില്‍ സമരം കേരളത്തിലെ എല്ലാ മെഡിക്കല്‍ കോളജിലേക്കും വ്യാഴാഴ്ച്ച മുതല്‍ വ്യാപിപ്പിക്കുമെന്ന് അമല്‍ പറഞ്ഞു.
വിവിധ വിദ്യാര്‍ത്ഥി സംഘടനകള്‍ സമരത്തിന് പിന്തുണയുമായി ക്യാംപസിലെത്തി കൈകോര്‍ത്തു. എം.എസ്.എഫ്. ജില്ലാ പ്രസിഡണ്ട് ഷമീര്‍, ഷറഫു പിലാക്കല്‍, വെല്‍ഫെയര്‍ പാര്‍ട്ടി സംസ്ഥാന വിദ്യാര്‍ത്ഥി യൂണിയന്‍ കോര്‍ഡിനേറ്റര്‍ ഷാഫിര്‍ഷ, അജിത്ത് എന്നിവരും പിന്തുണ പ്രഖ്യാപിച്ച് സംസാരിച്ചു.
കോളജില്‍ മെഡിക്കോസ് സംഘടനയുടെ  പുതിയ യൂനിറ്റ് രൂപീകരിച്ചു. നാളെ നടക്കുന്ന രക്ഷിതാക്കളുടെ യോഗത്തില്‍ പ്രശ്‌നത്തിന് പരിഹാരം കാണാന്‍ കഴിയുമെന്ന് വിശ്വസിക്കുന്നതായി വിദ്യാര്‍ഥികളും അഭിപ്രായപ്പെട്ടു.