ദുബൈ: അബൂദബി കെ.എം.സി.സി ടോപിക്ക എന്ന പേരില്‍ സംഘടിപ്പിച്ച രണ്ടുവര്‍ഷത്തെ പഠന പദ്ധതി സമാപിച്ചു. 67 പഠിതാക്കള്‍ക്ക് സനദ് ദാന ചടങ്ങില്‍ സര്‍ട്ടിഫിക്കറ്റ് നല്‍കി. ഇന്ത്യന്‍ ചരിത്രം, സമകാലിക വെല്ലുവിളികള്‍, ന്യൂനപക്ഷ രാഷ്ട്രീയം, വ്യക്തിത്വ വികസനം തുടങ്ങിയവയിലായിരുന്നു പരിശീലനം. നസീര്‍ രാമന്തളി, അബ്ദുല്ല ചേലക്കോട്, സുനീര്‍ ബാബു തുടങ്ങിയവര്‍ റാങ്ക് ജേതാക്കളായി. ചടങ്ങ് ഷുക്കൂറലി കല്ലുങ്ങല്‍ ഉദ്ഘാടനം ചെയ്തു. പി കെ അഹമ്മദ് അധ്യക്ഷത വഹിച്ചു. കോഴ്സ് ഡയരക്ടര്‍ ഷെരീഫ് സാഗര്‍ സംസാരിച്ചു.