വണ്ടൂര്‍: ഓടിക്കൊണ്ടിരുന്ന കാറിനു മുകളില്‍ റോഡരികില്‍ നിര്‍ത്തിയിട്ട ലോറിയില്‍ നിന്നും ചാക്കുകെട്ടുകള്‍ വീണ് അപകടം. കാറിലുണ്ടായിരുന്ന ആറംഗ കുടുംബം അത്ഭുതകരമായി രക്ഷപെട്ടു. കഴിഞ്ഞ ദിവസം ഉച്ചക്ക് വണ്ടൂര്‍ സിയന്ന ബൈപ്പാസിലായിരുന്നു സംഭവം. പേലേപുറത്ത് നിന്നും വണ്ടൂരിലേക്കു വിവാഹത്തിനു വന്ന ആറംഗ കുടുംബം സഞ്ചരിച്ച കാറിനു മുകളിലേക്കാണ് ചാക്കുകള്‍ വീണത്.
സമീപത്തെ കോഴിക്കടയിലേക്കു വന്നതായിരുന്ന ലോറി. കോഴി ഫാമിന്റെ തറയില്‍ വിതറാനുള്ള ചകിരിപ്പൊടി ചാക്കുകള്‍ ലോറിയില്‍ ഉയരത്തില്‍ കെട്ടിയ നിലയിലായിരുന്നു. ചാക്കുകള്‍ ഇറക്കുന്നതിനിടെ സമീപത്ത് കൂടെ ഓടിയ കാറിനു മുകളിലേക്ക് പത്തോളം ചാക്കുകള്‍ ഒരുമിച്ചു വീഴുകയായിരുന്നു. അപകടത്തില്‍ കാറിന്റെ മുകള്‍ഭാഗം പൂര്‍ണമായി തകര്‍ന്നെങ്കിലും യാത്രക്കാര്‍ പരുക്കുകളില്ലാതെ രക്ഷപെട്ടു.
ചിത്രം മെയില്‍-ഓടുന്ന കാറിനു മുകളില്‍ ലോറിയില്‍ നിന്നും ചാക്കുകള്‍ വീണ് ബുധനാഴ്ച വണ്ടൂര്‍ ബൈപ്പാസ് റോഡില്‍ ഉണ്ടായ അപകടം.