പാപ്പിനിശ്ശേരി: സ്‌കൂളുകള്‍ കേന്ദ്രീകരിച്ച് വിദ്യാര്‍ഥികള്‍ക്കിടയില്‍ കഞ്ചാവ് വില്‍പ്പന നടത്തുന്ന സംഘത്തിലെ രണ്ടുപേരെ പാപ്പിനിശ്ശേരി എക്‌സൈസ് പിടികൂടി. കൊറ്റാളിയിലെ ദീപാലയം വീട്ടില്‍ സി അക്ഷയ്(18)യെ വേളാപുരത്തു നിന്നു 25ഗ്രാം കഞ്ചാവുമായും സുഹൃത്ത് കൊറ്റാളിയിലെ നന്ദനം വീട്ടില്‍ എന്‍.പി  അഭിഷേകി(19)നെ ആറോണ്‍ സ്‌കൂളിനു സമീപം ബൈക്കില്‍ കൊണ്ടുവരികയായിരുന്ന 25 ഗ്രാം കഞ്ചാവുമായുമാണ് പിടികൂടിയത്.
എക്‌സൈസ് ഇന്‍സ്‌പെക്ടര്‍ ഷര്‍ഫുദ്ധീന്റെ നേതൃത്വത്തില്‍ നടന്ന പരിശോധനയില്‍ പ്രിവന്റീവ് ഓഫിസര്‍ പി.കെ രഘുനന്ദനന്‍, സിവില്‍ എക്‌സൈസ് ഓഫിസര്‍മാരായ എം.പി സര്‍വ്വജ്ഞന്‍, കെ.വി സുരേഷ്, എന്‍.ടി ധ്രുവന്‍, ടി ഖാലിദ്, കെ.സി ഷിബു, ശ്രീകുമാര്‍, നികേഷ്, ടി.വി വിജിത്ത് എന്നിവരുമുണ്ടായി.