പയ്യന്നൂര്‍: പയ്യന്നൂരില്‍ വിവിധ അക്രമസംഭവങ്ങളില്‍ മൂന്നു സി.പി.എം പ്രവര്‍ത്തകര്‍ കൂടി പിടിയിലായി. എട്ടിക്കുളം കക്കംപാറയില്‍ പയ്യന്നൂര്‍ എസ്.ഐ എ.വി ദിനേശനെ തടഞ്ഞുവച്ച് കൈയേറ്റം ചെയ്യാന്‍ ശ്രമിച്ചതിനും അസഭ്യം പറയുകയും ചെയ്ത കേസില്‍ രാമന്തളിയിലെ അനൂപാണ് (32) അറസ്റ്റിലായത്. സെന്‍ട്രല്‍ ബസാറില്‍ ബാലഗോകുലം പ്രവര്‍ത്തകരെ മര്‍ദിച്ച സംഭവത്തില്‍ മമ്പലത്തെ എം പ്രസാദ്, ചീറ്റയിലെ സുരേഷ് എന്നിവരെയും അറസ്റ്റുചെയ്തു. ഇവരെ പിന്നീടു ജാമ്യത്തില്‍ വിട്ടു. ചൊവ്വാഴ്ച പൊലിസ് വാഹനം ആക്രമിച്ച കേസില്‍ ഡി.വൈ.എഫ്.ഐ ബ്ലോക്ക് പ്രസിഡന്റ് പെരളത്തെ ജി ലിജിത്തിനെയും(32) അറസ്റ്റുചെയ്തിട്ടുണ്ട്.