മൂവാറ്റുപുഴ: മുളവൂര്‍ ബദറുല്‍ ഇസ്‌ലാം ജുമാമസ്ജിദ് പരിപാലന സമിതിയുടെയും മദ്‌റസ കമ്മിറ്റിയുടെയും സംയുക്ത ആഭിമുഖ്യത്തില്‍ ഏകദിന മതപ്രഭാഷണവും കഴിഞ്ഞ പൊതുപരീക്ഷയില്‍ സംസ്ഥാനതലത്തില്‍ ബദറുല്‍ ഇസ്‌ലാം മദ്രസയില്‍ നിന്നും റാങ്ക് നേടിയ വിദ്യാര്‍ഥികള്‍ക്കുള്ള അവാര്‍ഡ് ദാനവും നടന്നു.
മദ്രസ അങ്കണത്തില്‍ നടന്ന സമ്മേളനം മഹല്‍ ഇമാം മുഹ്‌യദ്ദീന്‍ മദനി ഉദ്ഘാടനം ചെയ്തു. ചെറുവട്ടൂര്‍ സെന്‍ട്രല്‍ ജുമാമസ്ജിദ് ഇമാം അബ്ദുല്‍ സലാം ബാഖവി മുഖ്യപ്രഭാഷണം നടത്തി. ജമാഅത്ത് പ്രസിഡന്റ് പി.ഐ മുഹമ്മദ് അധ്യക്ഷത വഹിച്ചു.
സദര്‍ മഅല്ലിം കെ.എം ഹസന്‍ മൗലവി, മുഅല്ലിമീങ്ങളായ അബൂബക്കര്‍ വഹബി, ഹസൈനാര്‍ മൗലവി, ജമാഅത്ത് ഭാരവാഹികളായ ടി.എം ബഷീര്‍ മൗലവി, പി.കെ കോയാന്‍, കെ.എം അഫ്‌സല്‍, ഇ.എം ഷാജി, വി.പി സീതി, കെ.എ ഹൈദറൂസ്, പി.എം നാസര്‍, സി.എം ഷാഫി എന്നിവര്‍ പ്രസംഗിച്ചു.