കൊച്ചി: മദ്യനയം അട്ടിമറിക്കാനുള്ള നീക്കങ്ങള്‍ക്കെതിരെ കെ.സി.ബി.സിയുടെയും കേരള മദ്യവിരുദ്ധ ഏകോപന സമിതിയുടേയും നേതൃത്വത്തില്‍ ലഹരിക്കെതിരെ യുദ്ധപ്രഖ്യാപനവും (ലഹരിവിരുദ്ധ സംസ്ഥാന കണ്‍വന്‍ഷന്‍) ഫ്രാന്‍സിസ് പെരുമന അനുസ്മരണവും 26ന് ഉച്ചയ്ക്ക് രണ്ടിന് കലൂര്‍ റിന്യൂവല്‍ സെന്ററില്‍ നടത്തും. 25ല്‍പ്പരം മദ്യവിരുദ്ധ പ്രസ്ഥാനങ്ങള്‍ കണ്‍വന്‍ഷനില്‍ പങ്കാളികളാകും.
മദ്യവിരുദ്ധ പ്രസ്ഥാനങ്ങളെ സമരസജ്ജരാക്കുവാന്‍ ചേര്‍ന്ന കണ്‍വന്‍ഷന്‍ കെ.സി.ബി.സി മദ്യവിരുദ്ധ സമിതി സംസ്ഥാന വൈസ് ചെയര്‍മാന്‍ ബിഷപ് റൈറ്റ് റവ. ഡോ. ജോസഫ് കാരിക്കശ്ശേരി ഉദ്ഘാടനം ചെയ്യും. കേരള മദ്യവിരുദ്ധ ഏകോപന സമിതി സംസ്ഥാന ചെയര്‍മാന്‍ ജസ്റ്റിസ് പി.കെ ഷംസുദ്ദീന്‍ അധ്യക്ഷത വഹിക്കും.