ബെയ്ജിങ്: വടക്കന്‍ ചൈനയിലെ ചാങ്ചുന്‍ നഗരത്തിലെ ഹോട്ടലിന് തീപിടിച്ച് 17 പേര്‍ മരിച്ചു. മൂന്ന് പേര്‍ക്ക് പരുക്കേറ്റു. മൂന്ന് മണിക്കൂര്‍ സമയമെടുത്താണ് അഗ്നിരക്ഷാ സേന തീ കെടുത്തിയത്. പരുക്കേറ്റവര്‍ ആശുപത്രിയില്‍ ചികില്‍സയിലാണ്. അപകടകാരണത്തെ കുറിച്ച് അന്വേഷണം നടത്തിവരികയാണ്.

ഒരു മാസം മുമ്പ് ചൈനയിലെ ഹെനാന്‍ പ്രവിശ്യയില്‍ ആയോധന പഠിപ്പിക്കുന്ന സ്‌കൂളിലുണ്ടായ അഗ്നിബാധയില്‍ 18 പേര്‍ മരിച്ചിരുന്നു.