തൃശൂര്‍: തൃശുര്‍ ചാലക്കുടിയില്‍ തെരുവ് നായ്ക്കളെ ചത്ത നിലയില്‍ കണ്ടെത്തി. ചാലക്കുടി താലൂക്ക് ആശുപത്രി പരിസരത്താണ് തെരുവുനായ്ക്കളുടെ ജഡം കണ്ടെത്തിയത്. വിഷം കൊടുത്ത് കൊന്നതാണെന്ന് സംശയമുണ്ട്.

രണ്ട് നായ്ക്കളാണ് ചത്തിരിക്കുന്നത്. നായ്ക്കളുടെ ജഡത്തിന്റെ സമീപത്ത് നിന്ന് കേക്കിന്റെ കഷണങ്ങളും കണ്ടെത്തിയിട്ടുണ്ട്. സംഭവസ്ഥലത്ത് പൊലിസെത്തി അന്വേഷണം നടത്തി.

മുമ്പും ഇത്തരത്തില്‍ നായ്ക്കളെ കൊല ചെയ്യപ്പെട്ട രീതിയില്‍ കണ്ടെത്തിയ സംഭവങ്ങള്‍ റിപ്പോര്‍ട്ട് ചെയ്യപ്പെട്ടിരുന്നു. നായ്ക്കളെ കൊല്ലുന്നതല്ല പ്രശ്‌നത്തിന് പരിഹാരമെന്നും നായ്ക്കളെ കൊല്ലുന്നവര്‍ക്കെതിരെ കര്‍ശന നടപടി സ്വീകരിക്കുമെന്നും മുഖ്യമന്ത്രി അടക്കമുള്ളവര്‍ മുന്നറിയിപ്പ് നല്‍കിയിട്ടുണ്ട്.