കണ്ണൂര്‍: പുതിയ സ്‌കൂളുകളിലും ബാച്ചുകളിലും തസ്തിക നിര്‍ണയിച്ച് അധ്യാപകര്‍ക്ക് ശമ്പളം നല്‍കുക, ഹയര്‍ സെക്കന്‍ഡറി സ്‌കൂളുകളില്‍ ക്ലാര്‍ക്ക്, പ്യൂണ്‍ തസ്തിക നിര്‍ണയിക്കുക തുടങ്ങിയ ആവശ്യങ്ങളുന്നയിച്ച് കേരള ഹയര്‍ സെക്കന്‍ഡറി സ്‌കൂള്‍ ടീച്ചേഴ്‌സ് യൂനിയന്‍(കെ.എച്ച്.എസ്.ടി.യു) നാളെ രാവിലെ 10ന് ആര്‍.ഡി.ഡി ഓഫിസിനു മുന്നില്‍ ധര്‍ണ നടത്തും. മുസ്‌ലിം ലീഗ് ജില്ലാ പ്രസിഡന്റ് പി കുഞ്ഞിമുഹമ്മദ് ഉദ്ഘാടനം ചെയ്യും. വാര്‍ത്താസമ്മേളനത്തില്‍ ജില്ലാ പ്രസിഡന്റ് ഹാഷിം കാട്ടാമ്പള്ളി, പി.കെ ഷിഹാബ്, നൗഷാദ് പൂതപ്പാറ, കെ ഇസ്മായില്‍, പി ഷമീര്‍ പങ്കെടുത്തു.