മട്ടാഞ്ചേരി • കൊച്ചിക്ക് പടിഞ്ഞാറ് പുറം കടലിൽ നാവിക സേന – നർക്കോട്ടിക്ക് ബ്യൂറോ സംഘം വൻ മയക്ക് മരുന്ന് ശേഖരം പിടികൂടി.
ഇന്നലെ പുലർച്ചെ തീരത്ത് നിന്ന് 1200 നോട്ടിക്കൽ മൈൽ ദൂരെ കടലിലാണ് ലഹരി കടത്തിയ ഇറാൻ മത്സ്യബന്ധന ബോട്ട് പിടികൂടിയത്.
ഇതിൽ നിന്ന് 200 കിലോ ഹെറോയിനാണ് കണ്ടെത്തിയത്. അന്താരാഷ്ട്ര വിപണിയിൽ 1300 കോടി രുപ വിലയുണ്ടെന്നാണ് കണക്കാക്കുന്നത്.
ബോട്ടിലുണ്ടായിരുന്ന ആറ് പേരെ കസ്റ്റഡിയിലെടുത്തു. നാല് പേർ ഇറാനികളും രണ്ട് പേർ പാകിസ്താനികളുമാണന്നാണ് സൂചന.
ഇവർക്ക് തിരിച്ചറിയൽ രേഖകളോ, മത്സ്യബന്ധന ലൈസൻസോ ഇല്ല. ബോട്ട് മട്ടാഞ്ചേരി വാർഫിൽ എത്തിച്ചു. ലഹരി കടത്തിൽ അഫ്ഗാൻ ബന്ധമുണ്ടെന്നും പറയുന്നു.