കാസര്‍കോട്: പ്ലസ് ടു പരീക്ഷയില്‍ ആള്‍മാറാട്ടം നടത്തിയ സംഭവത്തില്‍ യുവാവിനും വിദ്യാര്‍ഥിക്കുമെതിരെ പൊലിസ് കേസെടുത്തു. മൊഗ്രാല്‍ ഗവണ്‍മെന്റ് വൊക്കേഷണല്‍ ഹയര്‍ സെക്കന്‍ഡറി സ്‌കൂളിലാണ് സംഭവം. പ്ലസ് ടു വിദ്യാര്‍ഥിക്ക് പകരം പരീക്ഷ എഴുതാനെത്തിയ 20 വയസ്സുകാരന്‍ മുഹമ്മദ് മുക്താറിനെതിരെയാണ് നടപടി. സ്‌കൂള്‍ പ്രിന്‍സിപ്പല്‍ നല്‍കിയ പരാതിയുടെ അടിസ്ഥാനത്തിലാണ് പൊലിസ് കേസ് രജിസ്റ്റര്‍ ചെയ്തത്.

അതേസമയം, ഇതേ സ്‌കൂളില്‍ തന്നെ എസ്.എസ്.എല്‍.സി പരീക്ഷയ്ക്കിടെ സ്മാര്‍ട്ട് ഫോണ്‍ ഉപയോഗിച്ച് കോപ്പിയടിച്ച മറ്റൊരു സംഭവവും റിപോര്‍ട്ട് ചെയ്തു. അതീവ ജാഗ്രതയോടെ ഒളിപ്പിച്ചു വച്ച മൊബൈല്‍ ഫോണ്‍ പരീക്ഷാ ഡ്യൂട്ടിയിലുണ്ടായിരുന്ന അധ്യാപികയാണ് കണ്ടെത്തിയത്. പരീക്ഷാ നടത്തിപ്പിലെ ക്രമക്കേടുകള്‍ ഗൗരവകരമായി കാണുമെന്ന് അധികൃതര്‍ അറിയിച്ചു.

The Kasaragod police have booked a 20-year-old man and a student after the former was caught impersonating the student to write a Plus Two examination at Mogral GVHSS.