ന്യൂഡല്‍ഹി: ഡല്‍ഹിയില്‍ കെട്ടിടത്തിന് തീപിടിച്ച് ഒമ്പത് മരണം. തെക്കുപടിഞ്ഞാറന്‍ ഡല്‍ഹിയിലെ പാലം മേഖലയിലുള്ള റെസിഡന്‍ഷ്യല്‍ കെട്ടിടത്തിലാണ് തീപിടത്തമുണ്ടായത്. ബുധനാഴ്ച രാവിലെയുണ്ടായ അപകടത്തില്‍ മരിച്ചവരില്‍ മൂന്ന് കുട്ടികളും ഉള്‍പെടുന്നു. രാവിലെ ഏഴ് മണിയോടെ കെട്ടിടത്തിനുള്ളിലെ ഒരു വീട്ടില്‍ നിന്നാണ് തീ പടര്‍ന്നതെന്ന് റിപ്പോര്‍ട്ടുകള്‍ വ്യക്തമാക്കുന്നു. വിവരമറിഞ്ഞ ഉടന്‍ ഫയര്‍ ടെന്‍ഡറുകള്‍ സ്ഥലത്തെത്തി രക്ഷാപ്രവര്‍ത്തനം ആരംഭിച്ചു.

ALSO READ: ഗ്യാസ് ക്ഷാമം ഭയന്ന് ജനം ഇന്‍ഡക്ഷന്‍ കുക്കറിലേക്ക്; ഒറ്റദിവസം വിറ്റത് 93 എണ്ണമെന്ന് കടയുടമ, വിപണിയില്‍ വന്‍ ഡിമാന്‍ഡ്

ഐ.ജി.ഐ ആശുപത്രിയില്‍ നിരവധി പേര്‍ ചികിത്സയില്‍ തുടരുകയാണ്. തീയില്‍ നിന്ന് രക്ഷപ്പെടാനായി കെട്ടിടത്തില്‍ നിന്ന് താഴേക്ക് ചാടിയ രണ്ട് പേര്‍ക്കും ഗുരുതരമായി പരുക്കേറ്റിട്ടുണ്ട്. മണിക്കൂറുകള്‍ നീണ്ട പരിശ്രമത്തിനൊടുവിലാണ് തീ അണക്കാന്‍ കഴിഞ്ഞതെന്ന് അഗ്നിശമന സേന വ്യക്തമാക്കി.   

കെട്ടിടത്തിനുള്ളില്‍ കൂടുതല്‍ ആളുകള്‍ കുടുങ്ങിക്കിടക്കുന്നുണ്ടോ എന്ന് കണ്ടെത്താന്‍ വിശദമായ പരിശോധന നടത്തിവരികയാണ്. തീപിടിത്തത്തിന്റെ കൃത്യമായ കാരണം കണ്ടെത്താന്‍ പൊലിസ് അന്വേഷണം ആരംഭിച്ചു.

nine people, including three children, died after a major fire broke out in a building in delhi on wednesday morning, triggering a large rescue operation by fire and emergency teams.