നിലമ്പൂര്‍: കുട്ടികളിലെ കായിക ശേഷി കണ്ടെത്തിഅവ പരിപോഷിപ്പിക്കുന്നതിന് തദ്ദേശ സ്വയംഭരണ സ്ഥാപനങ്ങള്‍ അടക്കം എല്ലാവരുംമുന്നിട്ടിറങ്ങണമെന്ന് നിലമ്പൂര്‍ മുനിസിപ്പല്‍ ചെയര്‍ പേഴ്‌സണ്‍ പത്മിനി ഗോപിനാഥ് അഭിപ്രായപ്പെട്ടു.
മലപ്പുറം സെന്‍ട്രല്‍ സഹോദയ യുടെ ആഭിമുഖ്യത്തില്‍ സംഘടിപ്പിച്ച സി ബി എസ് ഇ സ്‌കൂള്‍ ജില്ലാ കായികാധ്യാപക സംഗമം ഉദ്ഘാടനംചെയ്തു സംസാരിക്കുകയായിരുന്നു. ഓഗസ്റ്റ് 31നു കടകശ്ശേരി ഐഡിയല്‍ ഇംഗ്ലീഷ് സ്‌കൂളില്‍ വെച്ച് നടക്കുന്ന ഏകദിന ശില്പശാലയില്‍ ജില്ലയിലെ മുഴുവന്‍ കായികാദ്ധ്യാപകരെയും പങ്കെടുപ്പിക്കാനും യോഗത്തില്‍ തീരുമാനമായി. ഡിസംബര്‍ ആദ്യവാരം നടക്കുന്ന സിബിഎസ്ഇ ജില്ലാ കായികമേളയുടെ നടത്തിപ്പിനു കമ്മിറ്റിയെ ചുമതലപ്പെടുത്തി. ജില്ലയിലെ എഴുപതോളം കായികാധ്യാപകര്‍ പങ്കെടുത്ത ചടങ്ങില്‍ എം. അബൂബക്കര്‍ അധ്യക്ഷനായി . സഹോദയ ജനറല്‍ സെക്രട്ടറി സിസി അനീഷ്‌കുമാര്‍, അബ്ദുല്‍അസീസ്, അഹമ്മദ് റഫീഖ്, അബ്ദുല്‍ ജലീല്‍. സംസാരിച്ചു.