കാബൂള്‍: താലിബാനും അഫ്ഗാന്‍ സേനയും തമ്മിലുള്ള ഏറ്റുമുട്ടലിനെ തുടര്‍ന്ന് 15 ദിവസത്തിനിടെ കണ്ഡഹാര്‍ പ്രവിശ്യയില്‍ നിന്നും അഭയാര്‍ഥി ക്യാംപുകളിലേക്കു പോയത് 11,000ത്തിലേറെ കുടുംബങ്ങള്‍. ഇവര്‍ക്ക് താമസസൗകര്യവും ഭക്ഷണവും നല്‍കിവരുകയാണെന്ന് സര്‍ക്കാര്‍ അധികൃതര്‍ അറിയിച്ചു.

യു.എസ് സേനാ പിന്മാറ്റത്തോടെ പാകിസ്താനിലെ ബലൂചിസ്താന്‍-സിന്ധ് പ്രവിശ്യകളില്‍ നിന്നും 10,000ത്തിലേറെ താലിബാന്‍ സൈനികര്‍ അഫ്ഗാനിലെത്തി സര്‍ക്കാര്‍ സേനയെ തുരത്തുകയാണെന്ന് ഇന്ത്യ ടുഡേ റിപ്പോര്‍ട്ട് ചെയ്തു.