കൊളംബോ: ശ്രീലങ്കയ്‌ക്കെതിരായ ഏകദിന പരമ്പരയിലെ ശേഷിക്കുന്ന മത്സരങ്ങളില്‍ ആസ്‌ത്രേലിയന്‍ നായകന്‍ സ്റ്റീവന്‍ സ്മിത്ത് കളിക്കില്ല. വിശ്രമം ആവശ്യമായതിനാല്‍ താരം നാട്ടിലേക്ക് മടങ്ങിയിട്ടുണ്ട്. അതേസമയം സ്മിത്തിന് പകരക്കാരനായി ഡേവിഡ് വാര്‍ണറെ ക്യാപ്റ്റനായി നിയോഗിച്ചിട്ടുണ്ട്. രണ്ടാം ഏകദിനത്തില്‍ ഓസീസ് പരാജയപ്പെട്ട ശേഷമാണ് സ്മിത്ത് നാട്ടിലേക്ക് മടങ്ങുകയാണെന്ന് വ്യക്തമാക്കിയത്. ക്രിക്കറ്റില്‍ നിന്ന് വിട്ടു നില്‍ക്കുന്നതിനെ വെറുക്കുന്നു. പക്ഷേ മികച്ച കളി പുറത്തെടുക്കാന്‍ വിശ്രമം ആവശ്യമാണെന്ന് സ്മിത്ത് പറഞ്ഞു.