തിരുവനന്തപുരം: ഷിരൂരില്‍ ഗംഗാവലി പുഴയില്‍ നിന്ന് ഇന്നലെ കണ്ടെത്തിയ അസ്ഥിയുടെ പരിശോധനാ ഫലം വന്നു. കണ്ടെത്തിയ അസ്ഥി മനുഷ്യന്റേതല്ല, പശുവിന്റേതാണെന്ന് മംഗളുരുവിലെ എഫ്എസ്എല്‍ ലാബ് സ്ഥിരീകരിച്ചുവെന്ന് ജില്ലാ കളക്ടര്‍ ലക്ഷ്മി പ്രിയ അറിയിച്ചു. അസ്ഥി മനുഷ്യന്റേതെന്ന നിലയില്‍ നടക്കുന്ന പ്രചാരണം തെറ്റാണെന്നും കളക്ടര്‍ വ്യക്തമാക്കി.

അര്‍ജുന്‍ അടക്കം മൂന്ന് പേര്‍ക്കായി തിരച്ചില്‍ നടക്കുന്ന ഷിരൂരിലെ മണ്ണിടിച്ചില്‍ മേഖലയില്‍ നിന്നാണ് ഇന്നലെ അസ്ഥി കണ്ടെത്തിയത്. ഇന്നലെ രാത്രിയോടെ ഗംഗാവലി  പുഴയോരത്ത് നിന്ന് കണ്ടെത്തിയ അസ്ഥി  മനുഷ്യന്റേതാണെന്ന് സംശയം ഉയര്‍ന്നെങ്കിലും വിശദമായ പരിശോധനക്കായി പൊലിസ് ഫോറന്‍സിക് ലാബിലേക്ക് കൊണ്ടുപോകുകയായായിരുന്നു.

Forensic analysis reveals that the skeletal remains found in the Gangavali River do not belong to a human, leaving experts and locals curious about the origin of the bones.