കൊച്ചി: മരടില്‍ ന്യൂക്ലിയസ് മാളിന് സമീപം കെട്ടിടം തകര്‍ന്നുവീണ് രണ്ട് മരണം. ഒഡീഷ സ്വദേശികളായ സുശാന്ത് കുമാര്‍, ശങ്കര്‍ എന്നീ തൊഴിലാളികളാണ് മരിച്ചത്. പഴയ വീട് പൊളിക്കുന്നതിനിടെ ഒരു ഭാഗം തകര്‍ന്നുവീഴുകയായിരുന്നു.രാവിലെ പതിനൊന്നു മണിയോടെയായിരുന്നു അപകടം.പൊലീസും ഫയര്‍ഫോഴ്സും നാട്ടുകാരും ചേര്‍ന്ന് കെട്ടിടത്തിനുള്ളില്‍ കുടുങ്ങിയ ഇരുവരെയും പുറത്തെത്തിച്ചു. ഗുരുതരമായി പരിക്കേറ്റിരുന്ന ഇരുവരെയും ഉടന്‍ തന്നെ സമീപത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.