ന്യൂഡല്‍ഹി: കോണ്‍ഗ്രസ് നേതൃത്വത്തിനെതിരേ രൂക്ഷവിമര്‍ശനവുമായി കപില്‍ സിബല്‍. മുന്‍ മഹിളാ കോണ്‍ഗ്രസ് അധ്യക്ഷ സുഷ്മിത ദേവ് പാര്‍ട്ടി വിട്ടതിന് പിന്നാലെയായിരുന്നു പ്രതികരണം.

'സുഷ്മിത ദേവ് നമ്മുടെ പാര്‍ട്ടിയുടെ പ്രാഥമികാംഗത്വത്തില്‍ നിന്ന് രാജിവെക്കുന്നു. യുവനേതാക്കള്‍ പാര്‍ട്ടിവിടുമ്പോള്‍ ശക്തിപ്പെടുത്താനുള്ള ശ്രമങ്ങള്‍ക്ക് ഞങ്ങള്‍ 'വൃദ്ധരായ' നേതാക്കളെ കുറ്റപ്പെടുത്തുന്നു. ഇതൊന്നും കാണാനാവാതെ പാര്‍ട്ടി മുന്നോട്ട് പോവുകയാണ്, കണ്ണടച്ചാണ് പാര്‍ട്ടിയുടെ പോക്ക്'കപില്‍ സിബല്‍ ട്വീറ്റ് ചെയ്തു.

ഇന്ന് രാവിലെയാണ് സുഷ്മിത ദേവ് പാര്‍ട്ടി വിട്ടത്. ഇവര്‍ തൃണമൂല്‍ കോണ്‍ഗ്രസില്‍ ചേരുമെന്നാണ് വിവരം. മമതാ ബാനര്‍ജിയുമായി സുഷ്മിത ഇന്ന് കൂടിക്കാഴ്ച നടത്തുമെന്നും റിപ്പോര്‍ട്ടുണ്ട്.