നെടുമ്പാശ്ശേരി: അനധികൃതമായി സ്വര്‍ണം കടത്താന്‍ ശ്രമിച്ച രണ്ട് ശ്രീലങ്കന്‍ വനിതകള്‍ നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ കസ്റ്റംസ് എയര്‍ ഇന്റലിജന്‍സ് വിഭാഗത്തിന്റെ പിടിയിലായി. ശ്രീലങ്കന്‍ സ്വദേശികളായ സിത്തി സവാഹിറ, ഫാത്തിമ റുസ്‌ന എന്നിവരാണ് പിടിയിലായത്. ഇന്നലെ രാവിലെ യു.എല്‍ 165 നമ്പര്‍ ശ്രീലങ്കന്‍ എയര്‍ലൈന്‍സ് വിമാനത്തിലാണ് ഇവര്‍ നെടുമ്പാശ്ശേരിയിലെത്തിയത്. 26 ലക്ഷം രൂപ വില വരുന്ന 832 ഗ്രാം സ്വര്‍ണമാണ് ഇവരില്‍ നിന്ന് പിടിച്ചെടുത്തത്. ഷൂസിനടിയില്‍ സ്വര്‍ണക്കട്ടികളായി ഒളിപ്പിച്ചും ബാഗേജിനകത്ത് ആഭരണങ്ങളായി ഒളിപ്പിച്ചുമാണ് ഇവര്‍ സ്വര്‍ണം കടത്താന്‍ ശ്രമിച്ചത്. കസ്റ്റംസ് ഉദ്യോഗസ്ഥര്‍ക്ക് സംശയം തോന്നിയതിനെ തുടര്‍ന്ന്  നടത്തിയ പരിശോധനയിലാണ് ഇവര്‍ പിടിയിലായത്.