ട്യൂഷന്‍ സെന്ററുകളില്‍ നൈറ്റ് ക്ലാസ് പാടില്ലെന്ന ബാലാവകാശ കമ്മിഷന്റെ ഉത്തരവിന് സ്റ്റേ

കൊച്ചി• ട്യൂഷന്‍ സെന്ററുകളില്‍ നൈറ്റ് ക്ലാസുകള്‍ നടത്തരുതെന്ന സംസ്ഥാന ബാലാവകാശ കമ്മിഷന്റെ ഉത്തരവ് ഹൈക്കോടതി സ്റ്റേ ചെയ്തു. എന്നാല്‍ വിനോദയാത്രകള്‍ നടത്തരുതെന്ന കമ്മിഷന്‍ ഉത്തരവില്‍ കോടതി ഇടപെട്ടില്ല.സംസ്ഥാന ബാലാവകാശ കമ്മിഷന്‍ ഓഗസ്റ്റ് നാലിനാണ് ട്യൂഷന്‍ സെന്ററുകള്‍ രാത്രികാല ക്ലാസുകളും വിനോദ യാത്രകളും നടത്തരുതെന്ന ഉത്തരവിറക്കിയത്.

ഈ ഉത്തരവിനെതിരേ വെല്‍ഫെയര്‍ ഓര്‍ഗനൈസേഷന്‍ ഫോര്‍ ട്യൂട്ടോറിയല്‍സ് ആന്‍ഡ് ടീച്ചേഴ്‌സ് സംഘടനയുടെ ആക്ടിങ് ജനറല്‍ സെക്രട്ടറിയും കരുനാഗപ്പള്ളി സ്വദേശിയുമായ ജി.കെ സുജേഷ് നല്‍കിയ ഹരജിയിലാണ് ജസ്റ്റിസ് ടി.ആര്‍ രവിയുടെ ഇടക്കാല ഉത്തരവ്.