ചോദ്യവുമായി രാഹുല്‍
ന്യൂഡല്‍ഹി: ബി.ജെ.പിയുടെ വരുമാനം 2019-20 വര്‍ഷത്തില്‍ 50 ശതമാനം വര്‍ധിച്ചെന്ന് കോണ്‍ഗ്രസ് നേതാവ് രാഹുല്‍ ഗാന്ധി. എന്നാല്‍ ജനങ്ങളുടെ വരുമാനം എത്ര ശതമാനം കൂടിയെന്നും രാഹുല്‍ ചോദിച്ചു. ഇലക്ടറല്‍ ബോണ്ട് വഴി ബി.ജെ.പി വന്‍ തുകയാണ് പിരിച്ചതെന്നും അദ്ദേഹം പറഞ്ഞു. മുന്‍ വര്‍ഷങ്ങളെ അപേക്ഷിച്ച് 1,213.20 കോടി രൂപയുടെ വരുമാന വര്‍ധനവാണ് ഈ കാലയളവില്‍ ബി.ജെ.പിക്കുണ്ടായത്. 2018-19 സാമ്പത്തിക വര്‍ഷത്തില്‍ 2,410.08 കോടി രൂപയുടെ വരുമാനമുണ്ടായിരുന്നത് 2019-20 ല്‍ 3,623.28 കോടിയായി ഉയര്‍ന്നു. അതേസമയം കോണ്‍ഗ്രസിന്റെ വരുമാനം 25.69 ശതമാനം കുറഞ്ഞു. ഈ കാലയളവില്‍ 235.82 കോടിയാണ് കോണ്‍ഗ്രസിന് കുറഞ്ഞത്.