ബി.ഫാം പ്രവേശനം; സ്‌പോട്ട് അഡ്മിഷന്‍

2023-24 അധ്യയന വര്‍ഷത്തെ ഫാര്‍മസി (ബി.ഫാം) കോഴ്‌സിലേക്കുള്ള പ്രവേശനത്തിനായി നടന്ന കേന്ദ്രകൃത ഓണ്‍ലൈന്‍ അലോട്ട്‌മെന്റുകള്‍ക്ക് ശേഷവും സര്‍ക്കാര്‍ ഫാര്‍മസി കോളജുകളിലും സ്വാശ്രയ കോളജുകളിലും സീറ്റുകള്‍ ഒഴിവുണ്ട്.

സര്‍ക്കാര്‍ ഫാര്‍മസി കോളജുകളിലെ ഒഴിവുള്ള സീറ്റുകള്‍ മെഡിക്കല്‍ വിദ്യാഭ്യാസ ഡയറക്ടര്‍ മുഖേനയും സ്വാശ്രയ ഫാര്‍മസി കോളജുകളിലെ ഒഴിവുകള്‍ അതത് കോളജുകള്‍ മുഖേനയും നികത്തും. പ്രവേശന പരീക്ഷാ കമ്മീഷണര്‍ പ്രസിദ്ധീകരിച്ച ബി.ഫാം 2023 റാങ്ക് ലിസ്റ്റില്‍ ഉള്‍പ്പെട്ടിട്ടുള്ളവരില്‍ പ്രവേശനം ആഗ്രഹിക്കുന്നവര്‍ മെഡിക്കല്‍ വിദ്യാഭ്യാസ ഡയറക്ടറെയും സ്വാശ്രയ ഫാര്‍മസി കോളജുകളില്‍ പ്രവേശനം ആഗ്രഹിക്കുന്നവര്‍ അതത് കോളജുമായും ബന്ധപ്പെടണം. ഒഴിവുള്ള സീറ്റുകള്‍ സംബന്ധിച്ച വിവരങ്ങള്‍ക്കും മറ്റ് വിശദാംശങ്ങള്‍ക്കും www.cee.kerala.gov.in സന്ദര്‍ശിക്കുക