പട്ടാമ്പി: മെമ്പര്‍ഷിപ്പ് അടിസ്ഥാനത്തില്‍ തെരഞ്ഞെടുക്കപ്പെട്ട പുതിയ ശാഖ, പഞ്ചായത്ത്, മുന്‍സിപ്പല്‍, മണ്ഡലം കൗണ്‍സിലര്‍മാരെ പങ്കെടുപ്പിച്ച് നടത്തുന്ന എസ്.വൈ.എസ് പട്ടാമ്പി മണ്ഡലം നേതൃസംഗമം സെപ്റ്റംബര്‍ നാലിന് ഞായര്‍ മൂന്നു മുതല്‍ രാത്രി 10 വരെ പട്ടാമ്പി കുളത്തിങ്ങല്‍ ടവറില്‍ നടക്കുമെന്ന് ഭാരവാഹികള്‍ പത്രകുറിപ്പില്‍ അറിയിച്ചു. എസ്.വൈ.എസ് ജില്ലാ സെക്രട്ടറി ടി.കെ മുഹമ്മദ് കുട്ടി ഫൈസി ഉദ്ഘാടനം ചെയ്യും. എം.എം ബഷീര്‍ മാസ്റ്റര്‍ അധ്യക്ഷനാകും.
ഐസ്-സലഫിസം ഫാസിസം' എന്ന വിഷയത്തില്‍ അന്‍വര്‍ മുഹ്‌യുദ്ദീന്‍ ഹുദവി ആലുവ പ്രഭാഷണം നടത്തും.
പ്രോഗ്രാം പ്രസന്റെഷന്‍, മാസ്റ്റര്‍ പ്ലാന്‍, ഡിസ്‌കഷന്‍ കോഡിനേഷന്‍ നടക്കും. ദഅ്‌വ-കാലികം-ശാസ്ത്രീയം എന്ന വിഷയത്തില്‍ സ്വലാഹുദ്ദീന്‍ ഫൈസി വല്ലപ്പുഴ ക്ലാസ് നയിക്കും. സയ്യിദ് ഹസന്‍ സഖാഫ് തങ്ങള്‍, ക്യാംപ് അമീര്‍ കെ.പി.എ സമദ് മാസ്റ്റര്‍, ടി.എ റഷീദ് മാസ്റ്റര്‍, അബ്ദുറഹ്മാന്‍ മരുതൂര്‍ തുടങ്ങിയവര്‍ വിവിധ സെഷനുകളില്‍ സംസാരിക്കും.
സമാപനചടങ്ങില്‍ സയ്യിദ് ശിഹാബുദ്ദീന്‍ ജിഫ്രി തങ്ങള്‍ പ്രാര്‍ഥനക്ക് നേതൃത്വം നല്‍കും.