അടൂര്‍: എം.സി റോഡില്‍ പുതുശ്ശേരിഭാഗം ജങ്ഷന് സമീപം ഓടിക്കൊണ്ടിരുന്ന കെ.എസ്.ആര്‍.ടി.സി ബസിന്റെ ചില്ല് ഉടഞ്ഞുവീണ് ഡ്രൈവര്‍ക്ക് പരിക്കേറ്റു.

മൂവാറ്റുപുഴ സ്വദേശി ഡ്രൈവര്‍ ഉണ്ണിയുടെ വലതുകൈക്കാണ് പരിക്കേറ്റത്. യാത്രക്കാര്‍ക്ക് പരിക്കില്ല. രാവിലെ 10.30 നായിരുന്നു സംഭവം.പത്തനംതിട്ടയില്‍നിന്ന് തിരുവനന്തപുരത്തേക്ക് വരികയായിരുന്ന കിളിമാനൂര്‍ ഡിപ്പോയിലെ ബസിന്റെ ചില്ലാണ് പൊട്ടിയത്.