രാമപുരം: പുഴക്കാട്ടിരി മിനി സ്റ്റേഡിയത്തില്‍ നടന്ന മങ്കട ഉപജില്ലാ സ്‌കൂള്‍ ഗെയിംസ് ഫെസ്റ്റിവലില്‍ കടുങ്ങപുരം ഗവണ്‍മെന്റ് ഹയര്‍ സെക്കന്‍ഡറി സ്‌കൂള്‍ ചാമ്പ്യന്മാരായി. ഖൊഖൊ സീനിയര്‍ (ആണ്‍, പെണ്‍ വിഭാഗങ്ങളില്‍) ജി.എച്ച്.എസ്.എസ് കടുങ്ങപുരം ഒന്നാം സ്ഥാനവും എ.എം.എച്ച്.എസ് തിരൂര്‍ക്കാട് രണ്ടാം സ്ഥാനവും കരസ്ഥമാക്കി. ജൂനിയര്‍ (ആണ്‍), ജി.എച്ച്.എസ്.എസ് കടുങ്ങപുരം എ.എം.എച്ച്.എസ് തിരൂര്‍ക്കാടും ജൂനിയര്‍ (പെണ്‍) വിഭാഗത്തില്‍ ജി.എച്ച്.എസ്.എസ് കടുങ്ങപുരവും ടി.എച്ച്.എസ്.എസ് അങ്ങാടിപ്പുറവും യഥാക്രമം ഒന്നും രണ്ടും സ്ഥാനങ്ങള്‍ നേടി.
ഹോക്കി ജൂനിയര്‍ ആണ്‍, പെണ്‍ വിഭാഗത്തില്‍ ജി.എച്ച്.എസ്.എസ് കടുങ്ങപുരവും ഐ.കെ.ടി.എച്ച്.എസ്.എസ് ചെറുകുളമ്പും ഒന്നാംസ്ഥആനം നേടി. സീനിയര്‍: (പെണ്‍) ജി.എച്ച്.എസ്.എസ് കടുങ്ങപുരവും മക്കരപ്പറമ്പ് (ആണ്‍)ഐ.കെ.ടി എച്ച്.എസ്.എസ് ചെറുകുളമ്പ്, ജി.വി.എച്ച്.എസ്.എസ് മക്കരപ്പറമ്പ്.
ഹാന്റ് ബോള്‍:സീനിയര്‍ ജി.എച്ച്.എസ്.എസ് കടുങ്ങപുരം, എന്‍.എച്.എസ്.എസ് കുളത്തൂര്‍ എന്നീ സ്‌കൂളുകളും ജൂനിയറില്‍ എം.എച്ച്.എസ്.എസ് തിരൂര്‍ക്കാടും ഐ.കെ.ടി.എച്ച്.എസ്.എസ് ചെറുകുളമ്പും യഥാക്രമം ഒന്നും രണ്ടും സ്ഥാനങ്ങള്‍ നേടി.
പ്രധാനാധ്യാപകന്‍ ഗോപിനാഥന്‍ മത്സരങ്ങള്‍ ഉദ്ഘാടനം ചെയ്തു. എ സുരേഷ് കുമാര്‍ അധ്യക്ഷനായി. ഉപജില്ലാ സെക്രട്ടറി സജന്‍ ദാസ് സ്വാഗതവും സജാത് സാഹിര്‍ നന്ദിയും പറഞ്ഞു.
വിജയികള്‍ക്ക് വാര്‍ഡ് മെമ്പര്‍ ഇ. മുഹമ്മദ് ഫസലുദ്ദീന്‍, പി.എച്ച് ജാഫര്‍, എം.ആയിശ, കെ.ഷിഫ എന്നിവര്‍ ട്രോഫികള്‍ വിതരണം ചെയ്തു.