9ാം ക്ലാസുകാരിയെ തട്ടിക്കൊണ്ടുപോകുന്നതിനിടെ ഓട്ടോ കേടായി; നാലു പേര്‍ പിടിയില്‍

പത്തനംതിട്ട: കൊടുമണ്ണില്‍ ഒന്‍പതാം ക്ലാസുകാരിയെ വീട്ടില്‍ നിന്ന് തട്ടിക്കൊണ്ടുപോയ കേസില്‍ നാലുപേര്‍ പിടിയില്‍. വിദ്യാര്‍ഥിനിയുമായി അടുപ്പമുണ്ടായിരുന്ന ഇലവുംതിട്ട സ്വദേശി അരുണിനെയും ഇയാളുടെ സുഹൃത്തുക്കളായ ബിജു, അജി ശശി, അഭിഷേക് എന്നിവരെയുമാണ് പൊലിസ് പിടികൂടിയത്.

പെണ്‍കുട്ടിയുമായി പോകുന്നതിനിടെ ഇലന്തൂരില്‍ വച്ച് ഇവര്‍ സഞ്ചരിച്ച ഓട്ടോ കേടാവുകയായിരുന്നു. പെണ്‍കുട്ടിയെ കാണാനില്ലെന്ന വീട്ടുകാരുടെ പരാതിപ്രകാരം അന്വേഷണം തുടങ്ങിയ പൊലിസ് വഴിയരികില്‍ ഓട്ടോ കണ്ടു നടത്തിയ പരിശോധനയിലാണ് നാലുപേര്‍ പിടിയിലായത്.