കൊച്ചി: കലൂരില്‍ മതിലിടിഞ്ഞ് ആന്ധ്ര സ്വദേശി മരിച്ചു. ചിറ്റൂര്‍ സ്വദേശി ധന്‍പാല്‍ ആണ് മരിച്ചത്. രണ്ട് പേരെ പരുക്കുകളോടെ ആശുപത്രിയില്‍ പ്രവേശിച്ചു.

ഓട വൃത്തിയാക്കാനെത്തിയ തൊഴിലാളികളുടെ മുകളിലേക്ക് മതില്‍ ഇടിഞ്ഞുവീഴുകയായിരുന്നു. മരിച്ച തൊഴിലാളി മതിലിന് അടിയിലായിരുന്നു. കൊച്ചി കോര്‍പ്പറേഷന്റെ ഓപ്പറേഷന്‍ ബ്രേക്ക് ത്രൂ പദ്ധതിയുടെ ഭാഗമായാണ് ഇവര്‍ ഓട വൃത്തിയാക്കാന്‍ എത്തിയത്.

ഷേണായിസ് ക്രോസ് റോഡിലാണ് അപകടം നടന്നത്. മതിലിന്റെ കാലപ്പഴക്കമാണ് അപകടത്തിന് കാരണമെന്നാണ് പ്രാഥമിക സൂചന. ഉച്ചയ്ക്ക് ഒന്നരയോടെയാണ് അപകടം നടന്നത്.