ഡല്‍ഹി: മയക്കുമരുന്ന് കേസില്‍ എന്‍സിബി അറസ്റ്റ് ചെയ്ത ആര്യന്‍ ഖാന്റെ ജാമ്യാപേക്ഷ മുംബൈ കോടതി തള്ളി. ആര്യന്‍ ഖാന്‍ ഇപ്പോള്‍ മുംബൈ ആര്‍തര്‍ റോഡ് ജയിലില്‍ എന്‍.സി.ബിയുടെ കസ്റ്റഡിയിലാണ്.

ആര്യന്‍ ഖാനെയും മറ്റ് അഞ്ച് പേരേയും മുംബൈയിലെ ആര്‍തര്‍ റോഡ് ജയിലിലെ ക്വാറന്റൈന്‍ ബാരക്ക് ആയ ബാരക്ക് നമ്പര്‍ വണ്ണിലാണ് പ്രവേശിപ്പിച്ചിട്ടുള്ളത്. ജയിലിന്റെ ഒന്നാം നിലയിലാണ് ഈ ബാരക്ക് ഉള്ളത്. ജയിലില്‍ അഞ്ച് ദിവസത്തേക്ക് ആര്യന്‍ ഖാനും സംഘവും ക്വാറന്റീനില്‍ കഴിയണം. ആര്യന്‍ ഖാന് ഇപ്പോള്‍ പ്രത്യേക യൂണിഫോം ഉണ്ടായിരിക്കില്ല.

കൊവിഡ് വാക്‌സിന്റെ രണ്ട് ഡോസ് പൂര്‍ത്തിയാക്കിയതും പരിശോധനയില്‍ നെഗറ്റീവ് ആയതും തെളിഞ്ഞതിനാലുമാണ് ക്വാറന്റൈന്‍ കാലവധി അഞ്ച് ദിവസമായി ചുരുക്കിയത്. ആര്യാന്‍ ഖാന് ജയിലില്‍ പ്രത്യേക പരിഗണന ഉണ്ടായിരിക്കില്ല. കോടതി വിധി വരുന്നത് വരെ ജയില്‍ ഭക്ഷണം മാത്രമായിരിക്കും ആര്യന്‍ ഖാന് നല്‍കുക.