കൊച്ചി: വടക്കേക്കരയില്‍ നിന്ന് കാണാതായ അസം സ്വദേശികളുടെ കുട്ടികളെ കണ്ടെത്തി. രണ്ട് കുട്ടികളെയും അസമിലെ ഗുവാഹത്തി എയര്‍പോര്‍ട്ടില്‍ നിന്നാണ് കണ്ടെത്തിയത്. എറണാകുളം വടക്കേക്കരയില്‍ നിന്ന് ഇന്നലെ വൈകീട്ടാണ് കുട്ടികളെ കാണാതായത്. കുട്ടികളെ തട്ടിക്കൊണ്ടുപോയ സംഘത്തെയും വടക്കേക്കര പൊലീസ് പിടികൂടി.

രഹാം അലി, ജഹാദ് അലി, സംനാസ്, സഹ്ദിയ എന്നിവരാണ് പിടിയിലായത്. സഹ്ദിയയാണ് നെടുമ്പാശേരി വിമാനത്താവളത്തില്‍ നിന്ന് കുട്ടികളെയും കൊണ്ട് അസമിലെ ഗുവാഹത്തിയിലേക്ക് പോയത്. പൊലീസിന്റെ നിര്‍ദേശാനുസരണം എയര്‍പോര്‍ട്ട് സുരക്ഷാ ജീവനക്കാര്‍ കുട്ടികളെ കണ്ടെത്തുകയും ഇവര്‍ക്കൊപ്പമുണ്ടായിരുന്നു സഹ്ദിയയെ പിടിച്ചുവയ്ക്കുകയും ചെയ്തിട്ടുണ്ട്.

ഇവരെ കൊണ്ടുവരാനായി വടക്കേക്കര പൊലീസ് സ്റ്റേഷനിലെ ഒരു സംഘം ഗുവാഹത്തിയിലേക്ക് തിരിച്ചിട്ടുണ്ട്. സഹ്ദിയയില്‍ നിന്ന് കുട്ടികളുടെ മാതാപിതാക്കള്‍ സാമ്പത്തിക സഹായം വാങ്ങിയിരുന്നു. ഇത് തിരിച്ചുചോദിച്ചതുമായി ബന്ധപ്പെട്ട് ഉണ്ടായ തര്‍ക്കമാണ് തട്ടിക്കൊണ്ട് പോവലിലേക്ക് നയിച്ചത്.

തട്ടിക്കൊണ്ടുപോയ കുട്ടികളെ കണ്ടെത്തി; 4 അസം സ്വദേശികള്‍ പിടിയില്‍