സ്‌കോട്ട മെംബര്‍ഷിപ് കാമ്പയിന്‍ ആരംഭിച്ചു.

ദുബൈ: തളിപ്പറമ്പ സര്‍ സയ്യിദ് കോളജ് അലൂംനി (സ്‌കോട്ട) യുഎഇ ചാപ്റ്റര്‍ അംഗങ്ങള്‍ക്ക് ദുബൈയില്‍ നിന്ന് ഹത്തയിലേക്ക് കുടുംബ സമേതം വിനോദ യാത്ര സംഘടിപ്പിച്ചു. ഹത്തയില്‍ മല കയറ്റം, മെംബര്‍മാര്‍ക്കും കുട്ടികള്‍ക്കുമായി വിനോദ മത്സരങ്ങള്‍ സംഘടിപ്പിച്ചു. യുഎഇയിലെ പൂര്‍വ വിദ്യാര്‍ത്ഥികള്‍ക്ക് സ്‌കോട്ടയില്‍ ചേരാനുള്ള മെംബര്‍ഷിപ് കാമ്പയിന്റെ ഉദ്ഘാടനം പൂര്‍വ വിദ്യാര്‍ത്ഥിയും മദീന ഗ്രൂപ് എംഡിയുമായ അബ്ദുല്ല പൊയില്‍ നിര്‍വഹിച്ചു. സ്‌കോട്ട മെംബര്‍മാരുടെ രക്ത ദാനത്തിനുള്ള സമ്മതപത്രം കുറ്റിക്കോല്‍ മുസ്തഫയില്‍ നിന്ന് സ്വീകരിച്ച് സി.ടി മുഹമ്മദ് റഫീഖ് നിര്‍വഹിച്ചു. നാസര്‍ അഹമ്മദ്, മന്‍സൂര്‍, ഷറഫുദ്ദീന്‍, കെ.പി മഹ്മൂദ്, അബൂബക്കര്‍ മൂലയില്‍, റഫീഖ് കെ.ടി, സാലി അച്ചിക്കേത്ത്, അല്‍താഫ്.എം, ഷംസീര്‍ പറമ്പത്തുകണ്ടി, ജെയിംസ് നേതൃത്വം നല്‍കി.
https://sscota.org/sampling_web/ എന്ന ലിങ്ക് വഴി യുഎഇയിലുള്ള പൂര്‍വ വിദ്യാര്‍ത്ഥികള്‍ക്ക് മെംബര്‍മാരായി ചേരാവുന്നതാണ്. 2024 ജനുവരി 31 വരെയാണ് അവസരം. .