കോഴിക്കോട്: നബിദിനാഘോഷം നിര്‍ദേശങ്ങള്‍ അനുസരിച്ചും കൊവിഡ് പ്രോട്ടോകോള്‍ പാലിച്ചും നടത്തണമെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍, സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍, സമസ്ത കേരള ഇസ്‌ലാം മതവിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ എന്നിവര്‍ അഭ്യര്‍ഥിച്ചു.
കൊവിഡ് പശ്ചാതലത്തില്‍ പ്രത്യേകം ജാഗ്രത പുലര്‍ത്തിയാവണം പരിപാടികള്‍ സംഘടിപ്പിക്കേണ്ടത്. ഘോഷയാത്രകള്‍ ചെറിയ കുട്ടികളെ ഒഴിവാക്കിയും യാത്രയുടെ ദൈര്‍ഘ്യം കുറച്ചുമായിരിക്കണം നടത്തേണ്ടതെന്നും നേതാക്കള്‍ അഭ്യര്‍ഥിച്ചു.