തേഞ്ഞിപ്പലം: കാലിക്കറ്റ് സര്‍വകലാശാലാ പഠന വകുപ്പുകള്‍, സെന്ററുകള്‍, അഫിലിയേറ്റഡ് കോളജുകള്‍ മുതലായവ തുറന്ന് പ്രവര്‍ത്തിക്കുന്നത് ഈ മാസം 25ലേക്ക് മാറ്റി. ഇതിനോടകം ക്ലാസുകള്‍ ആരംഭിച്ച അവസാന വര്‍ഷ വിദ്യാര്‍ഥികള്‍ക്കും 25 മുതലേ ഇനി നേരിട്ടുള്ള ക്ലാസുകള്‍ ഉണ്ടാവുകയുള്ളൂവെന്ന് യൂനിവേഴ്‌സിറ്റി അറിയിച്ചു.

പരീക്ഷകള്‍ മാറ്റി

കാലിക്കറ്റ് സര്‍വകലാശാല ഒക്ടോബര്‍ 20 മുതല്‍ 23 വരെ നടത്താനിരുന്ന പരീക്ഷകള്‍ മാറ്റി. 25 മുതലുള്ള പരീക്ഷകള്‍ മാറ്റമില്ലാതെ നടക്കും മാറ്റിവെച്ച പരീക്ഷകളുടെ പുതുക്കിയ സമയക്രമം പിന്നീട് പ്രഖ്യാപിക്കുമെന്ന് പരീക്ഷകണ്‍ട്രോളര്‍ ഡോ.സി.സി ബാബു അറിയിച്ചു.