തിരുവനന്തപുരം: പാര്‍ട്ടി നിയമം കൈയിലെടുത്തതിന്റെ ദുരന്തമാണ് അനുപമയ്ക്ക് ഇപ്പോള്‍ ഉണ്ടായിരിക്കുന്ന അവസ്ഥയ്ക്ക് കാരണമെന്ന് പ്രതിപക്ഷ നേതാവ് വി.ഡി സതീശന്‍. സി.ഡബ്ല്യൂ.സി പിരിച്ചുവിട്ട് അന്വേഷണം നടത്തണമെന്നും അദ്ദേഹം ആവശ്യപ്പെട്ടു.

അനുപമയ്ക്ക് നീതി കിട്ടണം. കഴിഞ്ഞ 6 മാസം മന്ത്രി വീണ ജോര്‍ജും ചൈല്‍ഡ് വെല്‍ഫെയര്‍ കമ്മിറ്റിയും എവിടെയായിരുന്നു. അനുപമ വിഷയത്തിലും കോട്ടയം വിഷയത്തിലും കാണുന്നത് സിപിഎമ്മിന്റെ അഹങ്കാരമാണ്.

കോട്ടയത്തെ വനിതാ എഐഎസ്എഫ് പ്രവര്‍ത്തകരുടെ പരാതിയില്‍ എങ്ങനെയാണ് പരാതിക്കാരിക്കെതിരെ തന്നെ കള്ളകേസ് എടുക്കുന്നതെന്നും അദ്ദേഹം ചോദിച്ചു.

സിപിഐക്ക് എങ്ങനെയാണ് സര്‍ക്കാരിന്റെ ഭാഗമാകാന്‍ കഴിയുന്നതെന്ന് സതീശന്‍ പരിഹസിച്ചു. സിപിഐക്ക് നാണമില്ലേ എന്ന് ചോദിക്കേണ്ടി വരും. എന്നു പ്രതിപക്ഷ നേതാവ് പറഞ്ഞു.