കൊച്ചി: ദേശീയ പാതയില്‍ മുന്‍ മിസ് കേരള ഉള്‍പ്പെടെ മൂന്നുപേര്‍ അപകടത്തില്‍ മരിച്ച സംഭവവുമായി ബന്ധപ്പെട്ട് ഫോര്‍ട്ട് കൊച്ചിയിലെ നമ്പര്‍ 18 ഹോട്ടലുടമ റോയ് വയലാട്ട് ചോദ്യം ചെയ്യലിന് ഹാജരായി. ഹോട്ടലിലെ സി.സി.ടി.വി ദൃശ്യങ്ങളടങ്ങിയ ഡി.വി.ആറുമായി ചോദ്യംചെയ്യലിന് ഹാജരാകാന്‍ പൊലിസ് റോയിക്ക് നോട്ടിസ് നല്‍കിയിരുന്നു. തുടര്‍ന്നാണ് റോയി പൊലിസിന് മുന്നില്‍ ഹാജരായത്.

രാവിലെ 10 മണിയോടെയാണ് റോയി എറണാകുളം സൗത്ത് സ്റ്റേഷനില്‍ ഹാജരായത്. ഹോട്ടലില്‍ നടന്ന ഡി.ജെ പാര്‍ട്ടിയില്‍ പങ്കെടുത്ത ശേഷമുള്ള യാത്രക്കിടെഉണ്ടായ അപകടത്തിലായിരുന്നു മോഡലുകളുടെ മരണം.