ദോഹ: ഖത്തർ വേദിയൊരുക്കുന്ന അണ്ടർ 17 കൗമാര ഫുട്‌ബോൾ ലോകകപ്പിന്റെ തീയതി പ്രഖ്യാപിച്ചു. അടുത്ത വർഷം നവംബർ അഞ്ച് മുതൽ 27 വരെയാണ് ടൂർണമെന്റ് നടക്കുക. ഫിഫ കൗൺസിൽ തീരുമാനം പ്രസിഡൻ്റ് ജിയാനി ഇൻഫൻ്റിനോയാണ് ഔദ്യോഗികമായി പ്രഖ്യാപിച്ചു.

ചരിത്രത്തിലെ തന്നെ ഏറ്റവും മികച്ച ഫുട്‌ബോൾ ലോകകപ്പ് നടത്തി ലോകത്തിന്റെ കയ്യടി നേടിയാണ് ഖത്തർ കൗമാര പോരിന് ഒരുങ്ങുന്നത്. ഈ വർഷം ആദ്യത്തിൽ 2025 മുതൽ 2029 വരെ നടക്കുന്ന അഞ്ച് അണ്ടർ 17 ലോകകപ്പുകളുടെ സ്ഥിരം വേദിയായി ഫിഫ ഖത്തറിനെ തിരഞ്ഞെടുത്തിരുന്നു. നേരത്തെ രണ്ടു വർഷത്തിൽ ഒരിക്കൽ നടത്തിയിരുന്ന കൗമാര മേള ആദ്യമായാണ് വാർഷിക ടൂർണമെൻ്റായി മാറുന്നത്. കൂടാതെ ടീമുകളുടെ എണ്ണം 24ൽ നിന്നും 48 ആയും ഉയർത്തിയിട്ടുണ്ട്.

അതേസമയം 2022 ലോകകപ്പ് ഫുട്‌ബാളിന് വേദിയായ എട്ട് സ്റ്റേഡിയങ്ങളും മറ്റു അടിസ്ഥാന സൗകര്യങ്ങളും കൗമാര ലോകകപ്പിലൂടെ ഖത്തറിന് വീണ്ടും ഉപയോഗപ്പെടുത്താൻ സാധിക്കും. ഏറ്റവും ഒടുവിലായി അണ്ടർ 17 ലോകകപ്പ് നടന്നത് 2023 നവംബർ -ഡിസംബർ മാസങ്ങളിൽ ഇന്തോനേഷ്യയിലായിരുന്നു.

Get ready for the ultimate football experience! Qatar is set to host the FIFA U-17 World Cup from November 5 to 27, 2025, featuring the world's top young football players competing for the coveted title.