ന്യൂഡൽഹി
ഇന്ത്യയിൽ പാവപ്പെട്ടവരും സമ്പന്നരും തമ്മിലുള്ള വിടവ് വർധിച്ചതായി ലോക അസമത്വ റിപ്പോർട്ട്.
രാജ്യത്തിൻ്റെ ആകെ ദേശീയ വരുമാനത്തിൻ്റെ 57 ശതമാനവും ജനസംഖ്യയിൽ 10 ശതമാനമുള്ള സമ്പന്നരിലാണ്.
പകുതിയോളം ജനങ്ങൾ ദേശീയ വരുമാനത്തിൻ്റെ 13 ശതമാനം പങ്കിടുകയാണെന്നും റിപ്പോർട്ട് വ്യക്തമാക്കുന്നു.
22 ശതമാനം വരുമാനം ഒരു ശതമാനം വരുന്ന സമ്പന്നരുടെ കൈവശമാണ്.
സമ്പന്നരുടെ എണ്ണം വർധിച്ചെങ്കിലും ഇന്ത്യ അസമത്വം നിറഞ്ഞ ദരിദ്ര രാജ്യമായി മാറി. രാജ്യത്തെ മധ്യവർഗം ആപേക്ഷികമായി ദരിദ്രരാണ്.
ദേശീയ വരുമാനത്തിൻ്റെ 29.5 ശതമാനമാണ് ഇവരുടെ പക്കലുള്ളത്. 63,54,070 രൂപ (65 ശതമാനം) 10 ശതമാനം വരുന്ന അതിസമ്പന്നർ കൈവശം വയ്ക്കുമ്പോൾ 3,24,49,360 രൂപ (33 ശതമാനം) കൈയടക്കിയിരിക്കുന്നത് ഒരു ശതമാനം വരുന്ന സമ്പന്നരാണ്.