തൃശൂര്‍ പൂരത്തോടനുബന്ധിച്ചുണ്ടായ വിവാദ സംഭവങ്ങളെത്തുടര്‍ന്ന് തൃശൂര്‍ പൊലിസ് കമ്മീഷണറായ അങ്കിത് അശോക്, അസിസ്റ്റന്റ് കമ്മീഷണര്‍ സുദര്‍ശന്‍ എന്നിവരെ സ്ഥലം മാറ്റും. അടിയന്തരമായി ഇവരെ സ്ഥലം മാറ്റാന്‍ തെരെഞ്ഞെടുപ്പ് കമ്മീഷന്റെ അനുമതി വാങ്ങാന്‍ മുഖ്യമന്ത്രി നിര്‍ദേശിച്ചിരുന്നു.സംഭവത്തില്‍ സംസ്ഥാന പൊലിസ് മേധാവി അന്വേഷണം പ്രഖ്യാപിച്ചിട്ടുണ്ട്.

ഒരാഴ്ചക്കകം അന്വേഷിച്ച് റിപ്പോര്‍ട്ട് നല്‍കാന്‍ പൊലീസ് മേധാവിക്ക് മുഖ്യമന്ത്രി പിണറായി വിജയന്‍ നിര്‍ദേശം നല്‍കി. പൂരത്തിന് ആനകള്‍ക്ക് നല്‍കാന്‍ കൊണ്ടുവന്ന പട്ടയും കുടമാറ്റത്തിനെത്തിച്ച കുടയും കമ്മിഷണര്‍ അങ്കിത് അശോകന്‍ തടയുന്നതിന്റെ ദൃശ്യങ്ങള്‍ പുറത്തുവന്നിരുന്നു. ഇതിനെതിരെ വലിയ തോതിലുള്ള പ്രതിഷേധമാണ് ഉയരുന്നത്.