തിരുവനന്തപുരം: ഭീകരതയ്ക്കും വര്‍ഗീയതയ്ക്കുമെതിരേ മാത്രമേ മുസ്‌ലിം സമുദായം നിന്നിട്ടുള്ളൂവെന്ന് ചരിത്രം പരിശോധിച്ചാല്‍ മനസ്സിലാകുമെന്നു പ്രതിപക്ഷ നേതാവ് രമേശ് ചെന്നിത്തല.
ഭീകരതയ്ക്കും വര്‍ഗീയതയ്ക്കുമെതിരേ തിരുവനന്തപുരം മുസ്‌ലിം അസോസിയേഷന്‍ ഹാളില്‍ മുസ്‌ലിം സംഘടനകളുടെ ആഭിമുഖ്യത്തില്‍ സംഘടിപ്പിച്ച ജനകീയ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം. അറുന്നൂറ് വര്‍ഷത്തോളം മുഗള്‍സാമ്രാജ്യം ഇന്ത്യ ഭരിച്ചിട്ടും ഇന്ത്യയെ ഒരു മുസ്‌ലിം രാജ്യമാക്കാന്‍ അവര്‍ ശ്രമിച്ചില്ലെന്നും അദ്ദേഹം പറഞ്ഞു. സമുദായ സൗഹാര്‍ദത്തെ പിച്ചിച്ചീന്താന്‍ ആരെയും അനുവദിച്ചുകൂടെന്നും അദ്ദേഹം പറഞ്ഞു. മലങ്കര ആര്‍ച്ച് ബിഷപ്പ് കര്‍ദിനാള്‍ മാര്‍ ക്ലിമ്മിസ് കത്തോലിക്കാ ബാവ മുഖ്യപ്രഭാഷണം നടത്തി.
അബ്ദുല്‍ റഹ്മാന്‍ പ്രാര്‍ഥന നടത്തി.എം.എം ഹസ്സന്‍ അധ്യക്ഷനായി. മുന്‍ സ്പീക്കര്‍ എം. വിജയകുമാര്‍, പന്ന്യന്‍ രവീന്ദ്രന്‍,കടയ്ക്കല്‍ അബ്ദുല്‍അസീസ് മൗലവി,സഈദ് മുസ്‌ലിയാര്‍, ഷേഖ് മുഹമ്മദ് കാരക്കുന്ന്, ഗുരുരത്‌നം ജ്ഞാനതപസ്വി, ഷുഹൈബ് മൗലവി, ഷെഹീര്‍ മൗലവി, നസീര്‍ഖാന്‍ ഫൈസി, പാച്ചല്ലൂര്‍ അബ്ദുല്‍സലീം മൗലവി,ഇ.എം.നജീബ് , ഡോ. നിസാറുദ്ദീന്‍, നാസര്‍ കടയറ, കരമന മാഹീന്‍, തോന്നയ്ക്കല്‍ ജമാല്‍, അഡ്വ. സിയാവുദ്ദീന്‍, പി.എം അഹമ്മദ് കുട്ടി തുടങ്ങിയവര്‍ സംബന്ധിച്ചു.
അസോസിയേഷന്‍ സെക്രട്ടറി പരീതുബാവ നന്ദി പറഞ്ഞു.