ആറ്റിങ്ങല്‍: ദേശീയപാതയോരത്ത് അജ്ഞാതര്‍ കക്കൂസ് മാലിന്യം തള്ളി. ഞായറാഴ്ച രാത്രിയാണ് സംഭവം.
മാമം മുതല്‍ ചെമ്പകമംഗലം വരെയുളള ഭാഗത്ത് റോഡരികിലാണ് മാലിന്യം ഒഴുക്കിയിരിക്കുന്നത്. രൂക്ഷമായ ദുര്‍ഗന്ധം കാരണം നാട്ടുകാരും യാത്രക്കാരും ദുരിതത്തിലായി. താലൂക്കിലെ വിവിധ റോഡുകളില്‍ രാത്രികാലങ്ങളില്‍ കക്കൂസ് മാലിന്യം തള്ളുന്നത്ത് പതിവായിട്ടുണ്ട്.
ചില പ്രദേശങ്ങളില്‍ നാട്ടുകാര്‍ സംഘടിച്ച് രാത്രി കാവല്‍ ഏര്‍പ്പെടുത്തിയിരിക്കുകയാണിപ്പോള്‍. ഇതിനിടയിലാണ്
ഞായറാഴ്ച രാത്രി ദേശീയപാതയില്‍ത്തന്നെ മാലിന്യം ഒഴുക്കിയത്.